Nərimanov rayonunun yeniyetmə və gəncləri Dərbənd şəhərinin Azərbaycan Dövlət Dram Teatrının səhnələşdirdiyi “Sönmüş taleylər” tamaşasına baxmışlar
Azərbaycan Respublikası Prezidentinin 2013-cü il 24 iyun tarixli 2966 nömrəli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”ndan irəli gələn vəzifələrin yerinə yetirilməsi istiqamətində Nərimanov rayonunun Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyası tərəfindən əhali arasında maarifləndirmə işləri gücləndirilir və profilaktik tədbirlər davam etdilir.
Növbəti tədbir Səməd Vurgun adına Rus Dram Teatrında təşkil olunmuşdur. Nərimanov rayonu ilə qardaşlaşmış Dərbənd şəhərinin Azərbaycan Dövlət Dram Teatrının səhnələşdirdiyi “Sönmüş taleylər” tamaşası narkotiklərin bir ailənin məhv olmasına gətirməsi mövzusuna həsr edilmişdir. Bu tamaşaya Nərimanov rayonunun yeniyetmə və gəncləri ilə birgə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyasının sədri İradə Mahmudova və digər Komissiya üzvləri baxmışlar.
